Bumalik ang mga araw ng Marso kaakibat ang dilim

Bumalik ang mga araw ng Marso kaakibat ang dilim,
At lumalangoy ang mga balyena sa langit,
Patagong umalingasaw ang alimuom
Paisa-isang nangagsiwala ang mga bagay

Dahil sa kapalaran, sa kapahamakan
Ay Pinag-isa mo ang buhay ng dagat at apoy,
Pinalupaypay mo ang barko ng taglamig,
Upang maging hugis na nililok ng pag-ibig sa gitara

O irog, o rosas na binasa ng mga sirena’t bula
Apoy na mananayaw na umakyat sa di-makitang hagdan,
Upang gisingin ang dugo sa yungib ng pagkamulat,

Upang mabuo ng mga alon ang kanilang sarili sa langit,
Kinalimutan ng dagat ang kanyang mga pasan at poot,
At nahulog ang mundo sa lambat ng kadiliman.